25 vite pas asaj lidhjeje të shkurtër, por të shumëpërfolur dhe me rastin e promocionit të një dokumentari të jetës së tij, Dennis Rodman zbulon një prapaskenë pikante të “flirt”-it të tij me këngëtaren e famshme Madona.

“Më tha se, në rast se do ta lija shtatzënë, do më të jepte 20 milionë dollarë. Sigurisht, nëse fëmija do të vinte në jetë. Ishte diçka kalimtare, por shumë intensive. E gjetëm njëri-tjetrin në një moment perfekt. Karriera e saj në atë kohë ishte në pauzë, kurse unë në shkëlqim e sipër.”

58-vjeçari, ish-basketbollist i Chicago Bulls në kohën e Michael Jordan, kujtoi më tej sesi Madona kërkonte me çdo kusht të kishte fëmijë: “Një herë më mori në telefon për të më thënë se po digjej. Ajo ishte në Neë York, në shtëpinë e saj, unë në Las Vegas, në një kazino, duke luajtur me zara.

I thashë se do të shkoja. Më dërgoi një avion për të më marrë në aeroport, shkova në shtëpinë e saj, bëra atë që duhej të bëja dhe u ktheva në Las Vegas për të vazhduar me lojën e zarave”.

Rodman kujton një tjetër episod mjaft interesant me yllin e popit, kur ishte pjesë e Sam Atonio Spurs. “Ishte ndeshja e fundit e sezonit, ajo ishte ulur në rreshtin e parë. Pas takimit, e gjeta të ulur para dollapit tim, në dhomën e zhveshjes, por unë nuk e kisha ftuar.

Shokët e mi të skuadrës kishin mbetur të gjithë të surprizuar, por edhe pse kishin në duar vetëm një peshqir, u vunë në radhë për të bërë foto me të. Më pas, shkuan në shtëpinë e saj. Kështu e jetoja jetën në atë kohë, isha një lojtar basketbolli, por edhe një “rock star”.