Ish-oficeri i lartë i Trupave Mbrojtëse të Kosovës (TMK), Muharrem Mahmutaj, ka publikuar një fotografi në llogarinë e vet në “Facebook” me ish-ambasadorin amerikan, James Pardew, i cili ka ndërruar jetë para disa ditësh.

Në këtë foto shihet edhe ish-komandanti i TMK-së, Agim Çeku.

Ambasadori Pardew i ishte futur diplomacisë pas një karriere brilante ushtarake

“Përvoja e madhe në inteligjencën ushtarake i kishte ndihmuar shumë në misionet e tij diplomatike për t’i dhënë fund luftës ne Bosnjë, Kosovë e më vonë edhe në Maqedoni”, ka shkruar Mahmutaj.

Postimi i plotë i Mahmutajt:

FOTOARKIV: Vizita e ambasadorit amerikan, James Pardew në shtabin e përgjithshëm të TMK-së. Prishtinë, 1999

Ishte mbresëlënëse të takoje Ambasadorin Pardew (i cili para pak ditësh u nda nga kjo botë). Edhe pse kanë kaluar shumë vite nga vizita dhe takimi i tij me gjenerallejtënant Agim Çekun mbaj mend se ka qenë një takim shumë miqësor sepse dy ushtarakë kuptohen me lehtë me njeri-tjetrin.

Ambasadori Pardew i ishte futur diplomacisë pas një karriere brilante ushtarake . Dhe përvoja e madhe në inteligjencën ushtarake i kishte ndihmuar shumë në misionet e tij diplomatike për t’i dhënë fund luftës në Bosnjë, Kosovë e më vonë edhe në Maqedoni.