Veprimtari i çështjes kombëtare dhe luftëtari i lirisë, Behram Hoti (Mal Drenica), ka uruar skuadrën shqiptare të futbollit KF Deçiqi nga Tuzi për shpalljen kampion në Malin e Zi.

“Deçiq o bjeshkë e bekuar, Deçiq i flamurit kombëtar shqiptar, Zoti dhe atdheu të gëzoftë me urime dhe me dashuri për titullin kampion në Malin e Zi! Malësi e Madhe, histori kombëtare, krenari e lashtë, shqipe e lashtë, pa ty as Zotin nuk di me dashtë”, ka thënë Mal Drenica.

Ky është titulli i parë kampion në histori për skuadrën e Deçiqit, që për herë të parë në elitën e futbollit malazez ka debutuar në sezonin 2006-2007.