Mali i Zi kap mbi një tonelatë drogë
Policia e Malit të Zi ka njoftuar sot se ka konfiskuar mbi një tonelatë kokainë, sasinë më të madhe të drogës të zënë ndonjëherë në këtë shtet.
Droga ishte fshehur në një dërgesë me banane.
Policia po ashtu ka njoftuar se ka arrestuar dy persona.
Bastisja u krye në Mojanoviqi, një lagje në periferi të kryeqytetit Podgorica.
“Ne po bëjmë atë që kemi premtuar: Mali i Zi nuk do të jetë vend i krimit”, ka shkruar në “Twitter” zëvendëskryeministri i këtij vendi, Dritan Abazoviq.
Kakav podvig @PolicijaCG
Čestitam @MupCg, direktoru, menadžmentu i službenicima UP, kao i @Customs_MNE na istorijskoj zapljeni kokaina.
Radimo što smo obećali. #CrnaGora🇲🇪 neće biti zemlja kriminala. pic.twitter.com/BKWoqbzZzH
— Dr Dritan Abazovic (@DritanAbazovic) August 27, 2021
Mali i Zi është vend anëtar i NATO-s dhe ka hapur po ashtu negociatat për anëtarësim në Bashkimin Evropian.
Por, përpara se t’i bashkohet BE-së, ai e ka për detyrë të çrrënjosë krimin e organizuar dhe korrupsionin.
