Studiuesi Agon Maliqi, ka konsideruar se “shumë pak” mund të pritet nga emisari i ri i Bashkimit Evropian në dialog, Peter Sorensen, në vitin e parë të mandatit të tij.

Maliqi, mes tjerash,  ka thënë se duhet pritur për të parë qeverinë e re gjermane si dhe atë të administratës Trump se si do t’i qasen këtij procesi.

“Për Sorensen është fazë krejtësisht fillestare e matjes së pulsit, leximit të situatës dhe mësimit të akterëve. Konsideroj që në vitin e parë shumë pak mund të pritet që të ketë progres në dialog nga z.Sorensen. Përveç tjerash nuk kemi ende një qeveri në Gjermani dhe nuk e dimë se si do qaset administrata Trump këtij procesi”, ka thënë ai për TëVë1.