![](https://www.epokaere.com/wp-content/uploads/2022/04/vedat-muriqi-2.jpg)
Mallorca ‘çmendet’ pas Muriqit: Vedati është Liga e Kampionëve e jona
04 maj 2022
| 12:04
Vedat Muriqi është bërë një hero i vërtetë në Mallorca. Futbollisti nga Kosova shpërtheu në La Liga pas periudhës së errët që e kaloi në Lazio, ku për një vit e gjysmë i realizoi vetëm dy gola.
Dhe, në ishull po çmenden pas përfaqësuesit kosovar, i cili i ka realizuar katër gola dhe e ka bërë një asistim nga janari, derisa është duke u munduar ta ndihmojë ekipin që të mbetet në La Liga.
Mallorca, përmes rrjeteve sociale, e ka bërë një postim mjaft domethënës për 28-vjeçarin.
“Liga e Kampionëve e jona”, ka shkruar klubi spanjoll në llogarinë e tij zyrtare në “Twitter”, duke iu referuar rëndësisë që e ka Muriqi për këtë klub.