Rey Manaj ishte më i miri i Superligës së Turqisë për javën e 29. Përveçse u zgjodh në formacionin e javës ai mori notën 10 për paraqitjen në fitoren e thellë 5-1 të Sivasspor me Adana Demirspor.

Dy gola brenda katër minutave lojë dhe dy asistime bënë që Manaj të meritonte vlerësimin maksimal nga Sofascore. Kjo ishte ndeshja më e mirë e sulmuesit shqiptar në kampionatin turk.

Shenjë këtë fundjavë la edhe Myrto Uzuni. Goli i tij në pjesën e parë vendosi fitoren 1-0 të Austin në fushën e St Louis. Për këtë ai u bë pjesë e stolit të rezervave në ekipin ideal të Major League Soccer, ku u bë pjesë edhe Lionel Messi.