Ronaldo dhe Harry Maguire startuan nga fillimi në këtë ndeshje. Bruno Mendes (59’) shënoi golin e vetëm në këtë takim që ia dha fitoren skuadrës spanjolle

Manchester United nuk e ka nisur mirë aventurën e tyre në Ligën e Europës pasi që kanë humbur ndeshjen e parë në këtë garë ndaj Real Sociedad.

Cristiano Ronaldo për një moment mendoi që shënoi gol në minutën e 36-të të ndeshjes, por goli u anulua pasi që gjyqtari anësor ngriti flamurin për pozitë jashtëloje.

Pas këtij goli, gjatë pjesës së parë nuk kishte më raste të tjera shënimi.

Pjesa e dytë fillon me një penallti për mysafirët.

Lisandro Martinez preku me dorë topin brenda zonës dhe pas rishikimit në VAR u dha penallti për mysafirët.

Nga penalltia gol shënoi Bruno Mendes në minutën e 59-të.

United ishin të pafuqishëm më në këtë ndeshje dhe rasti më ideal që ata të barazojnë ishte ai i Casemiros në minutën e dytë shtesë të ndeshjes.

Braziliani goditi fuqishëm por Alex Remiro e priti këtë goditje duke i shpëtuar skuadrës së tij tri pikë.

Real Sociedad me këtë fitore ka tri pikë, po aq sa Sheriff Tiraspol që janë në vendin e parë pasi që ata fituan kundër Omonias me rezultat 3-0.