Liverpooli po kalon momentin më të keq në vitet e fundit.

“The Reds” po vuan në kampionat, aty ku renditet në vend të tetë. Askush nuk e kishte menduar që skuadra që dominoi në futbollin anglez sezonin e kaluar, sivjet vuan për t’u renditur në katërshen e parë. Sadio Mane e pranon situatën e vështirë në prononcimin e dhënë për “Goal”.

Liverpooli është kualifikuar në çerekfinalet e Ligës së Kampionëve dhe do ta bëjë maksimumin për të sjellë trofeun e madh për herë të shtatë në “Anfield”. “Fitimi i këtij turneu është objektivi kryesor. Nuk do ta kemi të thjeshtë, pasi do të përballemi me skuadrat më të mira të Evropës, por jemi gati t’i mposhtim. Do të bëjmë gjithçka për ta fituar Ligën e Kampionëve”, ka thënë Mane.