Sadio Mane pranon se ka pasur mosmarrëveshje me Mohamed Salah në Liverpool, por thotë se shoku i tij është i jashtëzakonshëm dhe mbetet një kënaqësi e madhe për të luajtur përkrah tij. Dy yjet në ‘Anfield’ kanë pasur probleme herë pas here, me emocionet që shpërthyen gjatë ndeshjes kundër Burnley në fillim të këtij sezoni.

“Ai është një golashënues i çmendur dhe një lojtar i jashtëzakonshëm që mund të bëjë gjithçka. Ne ndonjëherë kemi pasur mosmarrëveshjet tona, por mbetet kënaqësi e madhe të luajmë pranë tij sepse kam ndjenjën se flasim të njëjtin lloj futbolli”, ka thënë Mane.