Sadio Mane u largua nga Bayern Munchen pas vetëm një sezoni, për t’u transferuar në Arabinë Saudite te Al-Nassr. Ai ka dhënë një intervistë për mediet, ku ka treguar arsyet për zgjedhjet e tij.

“Bayerni? Mendoj se të gjithë e panë se sa shpejt ndodhi gjithçka. Nuk ishte një vendim i lehtë. Këtu (Al Nassr) është Cristiano Ronaldo, i cili është një nga lojtarët më të mirë në histori, ose edhe më i miri. Sigurisht, kjo e bëri vendimin më të lehtë. Ne e pamë në Kupën e Botës Katarit 2022 që lojtarët sauditë janë teknikisht të mirë. Ata dinë të luajnë me top dhe dua që ky ekip të ketë një sukses të vërtetë”, ka thënë Mane.