Maqedonia ndalon aeroplanët rusë në hapësirën e saj ajrore
Ministri i Punëve të Jashtme, Bujar Osmani, ka njoftuar se Maqedonia e Veriut do të ndalojë aeroplanët rusë nga hapësira e saj ajrore.
Më anë të një postimi në llogarinë e vet në “Twitter”, Osmani ka theksuar se edhe ky vend i është bashkangjitur vendimit të shteteve të tjera të Bashkimit Evropian.
“Maqedonia e Veriut sapo ka vendosur t’u bashkohet shteteve të tjera të BE-së në ndalimin e linjave ajrore të Rusisë nga hapësira ajrore e Maqedonisë së Veriut”, ka shkruar Osmani.
Ai ka potencuar se “ne jemi të vendosur në mbështetjen tonë për Ukrainën dhe i bëjmë thirrje Rusisë që të ndërpresë menjëherë veprimet ushtarake”.
Ndërsa së fundmi edhe qeveria italiane ka vendosur te mbyllë hapësirën ajrore për avionët rusë.
Ata i ka mbyllur hapësirat e tyre për avionët ruse që mëngjesin e 27 shkurtit.
E vendet e tjera si Bullgaria, Çekia, Estonia, Gjermania dhe Polonia, kanë bllokuar tashmë hapësirën e tyre ajrore për fluturimet ruse.
. @Vlada_mk has just decided to join other #EU states in banning the 🇷🇺 airlines from 🇲🇰 airspace. We are resolute in our support for #Ukraine & call #Russia to immediately cease the millitary actions. #StandWithUkraine @DmytroKuleba @MFA_Ukraine @UKRinMKD
— Bujar Osmani (@Bujar_O) February 27, 2022
