Përfaqësuesja e Maqedonisë së Veriut në futboll për moshën U21 ka mësuar kundërshtarët e saj në raundin e ri kualifikues për Kampionatin Evropian 2027.

Grupi i Maqedonisë së Veriut është mjaft i vështirë, me sfida të mëdha që e presin, pasi përballë do të ketë përfaqësuese të fuqishme si Italia, Polonia, Suedia, Mali i Zi dhe Armenia.

Kualifikimet do të nisin në mars të vitit 2025 dhe do të zgjasin deri në tetor të vitit 2026. Pas kësaj periudhe, do të zhvillohet faza “play-off”, që do të përfundojë me turneun përfundimtar në verën e vitit 2027. Kjo garë ka një rëndësi të madhe për futbollin e moshave të reja dhe pritet të sjellë sfida të papritura për të gjithë ekipet.

Shqipëria dhe Serbia do të jenë organizatorët e këtij turneu të rëndësishëm.