Diego Maradona është liruar nga spitali pasi kaloi pak më shumë se një javë që kur ai u operua për ta mënjanuar një mpiksje gjaku në trurin e tij.

Argjentinasi u largua nga klinika në Buenos Aires ku edhe iu kishte nënshtruar ndërhyrjes kirurgjike, dhe do të vazhdojë të rikuperohet në shtëpi.

Legjenda e Napolit po vuante nga hematoma subdurale, e që është grumbullim i gjakut midis membranës dhe trurit. Ka qenë neurologu i argjentinasit, Leopold Luque, ai që ka thënë se e ka dhënë autorizimin për lirimin e Maradonës nga spitali.