Sportistë profesionistë, amatorë, vrapues me aftësi të kufizuara apo edhe aventurierë pa këpucë nisën garën e vrapimit në peizazhin e dunave, liqeneve të tharë dhe shtigjeve shkëmbore të Marokut në një turne të jashtëzakonshëm një-javor.

Rreth 700 vrapues u bënë pjesë e edicionit të 35 -të të Maratonës së rërës, një shteg prej 250 km në shkretëtirën marokene. Gara është si një ngjarje skenike,  e cila luhet kryesisht natën. Konkurrentët përshkojnë rreth 40 km në ditë me vrap ose duke ecur dhe me vetë duhet të mbajnë ushqim të mjaftueshëm dhe pajisjet e tyre. Pesha e çantës është të paktën 6.5 kg dhe mund të shkojë deri në 15 kg. Një tjetër rregull parashikon që secili konkurrent duhet të marrë 2000 kalori ushqim në ditë. Ditën e fundit, më mbetet vetëm banania, por gjatë garës betohem çdo ditë se nuk do ta bëj më kurrë!”, tregon më e vjetra e garës, Anne Bonzoumet, e cila, në moshën 70 -vjeçare, merr pjesë në ngjarje për herë të nëntë.

Mathieu Blanchard, një aventurier i edicionit 2020 të shfaqjes së lojës Koh-Lanta, vlerëson veçanërisht frymën kolektive të Maratonës. Kur je në vështirësi, të jetosh të njëjtën përvojë krijon lidhje më të forta, i bën shkëmbimet shumë më spontane, më pëlqen ta gjej veten në situata të vështira me njerëz që po kalojnë të njëjtën gjë”, tha Blanchard.

Aventurieri më i guximshëm është Loury Lag I cili vrapon çuditërisht zbathur në të nxehtin ekstrem të shkretëtirës. Kjo është hera e parë që dikush vrapon zbathur në Maratonën e rërës.

Turneu mbresëlënës do të mbyllet në fund të 6 ditëve, kur do të shpallet edhe fituesi./Ora News/