Humbje surprizë për Chelsean të Enzo Marescas. Fulham “pushtoi” stadiumin “Stamford Bridge”, pavarësisht një tjetër goli nga Cole Palmer. “Është një turp, veçanërisht me mënyrën se si e humbëm lojën në minutën e fundit”, ka thënë fillimisht trajneri italian.

“Kjo ndodhi dhe tani bëhet fjalë për të rikuperuar energjinë tonë dhe për të qenë gati për të filluar përsëri pas disa ditësh. Mund ta kishim menaxhuar më mirë ndeshjen, ta kontrollonim më mirë, por mund të mësojmë diçka. E kemi thënë disa herë që jemi skuadër shumë e re, por gjëja më e rëndësishme është të shohim lojtarët të rriten dhe të përmirësohen. Nga e shtuna do të përgatitemi për ndeshjen e së hënës”, ka shtuar Maresca.

“Objektivat? E kam thënë shumë herë që nuk ka rëndësi nëse fitojmë apo jo ndeshje, për shumë arsye nuk jemi gati për të fituar titullin. Më e rëndësishmja është të shohim skuadrën të përmirësohet”, ka deklaruar Maresca.