Shefi i Zyrës së Bashkimit Evropian, Tomas Szunyog, ka thënë se është i gëzuar që Kosova po i afrohet ratifikimit të marrëveshjeve të Procesit të Berlinit.

Ai në një postim në “Twitter” shkruan se shpreson në një ratifikim të shpejtë nga Kuvendi.

“Gëzohem të shoh që Kosova po i afrohet ratifikimit të marrëveshjeve nga Procesi të Berlinit për lirinë e lëvizjes dhe njohjen e kualifikimeve profesionale dhe akademike në Ballkanin Perëndimor. Pas miratimit të projektligjeve nga Qeveria, shpresoj në një ratifikim të shpejtë nga Kuvendi”, ka shkruar shefi i Zyrës së BE-së në Kosovë, Tomas Szunyog.

Glad to see that🇽🇰is getting closer to ratifying the #BerlinProcess agreements on the freedom of movement & the recognition of professional and academic qualification in the WB.
Following the adoption of the draft laws by the Gov. I hope for a swift ratification by the Assembly.

— Ambassador Tomáš Szunyog (@EUAmbKS) February 9, 2023

Qeveria dje ka miratuar Projektligjet për ratifikimin e Marrëveshjeve të nënshkruara në kuadër të Procesit të Berlinit për Lëvizjen e Lirë me Letërnjoftime në Ballkanin Perëndimor, për Njohjen e Kualifikimeve Profesionale të Mjekëve, Stomatologëve dhe Arkitektëve dhe Njohjen e Kualifikimeve të Arsimit të Lartë në Ballkanin Perëndimor.