Reperi i famshëm, Kanye West, ka nisur që të shqetësohet për shëndetin e tij mendor. Kjo për shkak se po kupton se thashethemet për ndarjen me bashkëshorten, Kim Kardashian, po kthehen në realitet.

“Mirror” shkruan se 43-vjeçari po lufton me ankthin dhe se është shumë i trishtuar, pasi gjithnjë e më shumë po largohet nga Kim dhe fëmijët e tyre.

“Ai e di se martesa ka marrë fund dhe e di që nuk ka më asgjë që mund të bëhet tani. Gjithashtu ai e di se çfarë po humbet nga Kimi”, ka zbuluar një burim pranë reperit për “People”.

Ndërkohë kujtojmë se në fillim të vitit 2020 dolën lajmet se femra më seski po planifikonte që t’i jepte fund martesës me reperin e famshëm.

“Ata nuk janë në të njëjtën faqe kur vjen puna tek e ardhmja e tyre si familje. Dhe Kim është shumë në rregull me këtë gjë. Megjithatë, ajo ka qëndruar pranë tij në një kohë kur disa gra të tjera nuk do ta kishin bërë”, thanë në atë kohë disa persona të afërt të yllit të televizionit.

Gjithashtu është mësuar se Kanye West do të nisë një jetë të re, shumë larg Shteteve të Bashkuara të Amerikës. Deri tani mendohet se ai ka vendosur që të jetojë në Evropë.