Ambasadori i Kosovës në Kroaci, Martin Berishaj, ka dhënë deklaratë në Prokurorinë Speciale të Kosovës në Prishtinë.

Në lidhje me këtë është deklaruar avokati i tij, Tomë Gashi, i cili nuk ka dhënë detaje për përmbajtjen e deklaratës së tij.

“Martin Berishaj qysh më 27.01.2023 ka paraqitë kërkesë për të dhënë deklaratë sqaruese në Prokurorinë Speciale të Republikës së Kosovës lidhur me pretendimet që kanë dalë në medie”.

“Martini tashmë ka dhënë deklaratë në PSRK. Deklarata e tij është konfidenciale”.

“Unë për shkak të kësaj situate si avokat i Martinit nuk mund të ju them asgjeë për përmbajtjen e kësaj deklarate. Shokë e shoqe ju uroj, gëzuar Pashkët e vikend të mirë”, ka shkruar Gashi në “Facebook”

Përndryshe, Berishaj dyshohet se është implikuar në një skandal të madh financiar, të cilin e kishte zbuluar mediumi slloven, “Planet TV”.