Masat e djeshme të qeverisë për izolimin e vendit gjatë vikendit, joadekuate

07 nëntor 2020 | 13:12

Kryetari i Komunës së Mitrovicës, Agim Bahtiri, ka thënë se masat e djeshme të Qeverisë së Kosovës për izolimin e vendit gjatë vikendit janë masa joadekuate, pa vizion dhe për pasojë nuk do të prodhojnë efekte të duhura për mbrojtje nga COVID-19, raporton “Epoka e re”.

“Këto masa të marra pa planifikim të duhur, e që u tha se duhet të zbatohen 3 orë pasi janë marrë, tregojnë se Qeverisë së Kosovës i ka humbur rruga në parandalimin e përhapjes së COVID-19, infektimet nga i cili po rriten si pasojë e pa aftësisë së kësaj qeverie për ta menaxhuar situatën. Zaten duhet me qenë shumë optimist për të pasur pritje më të mëdha nga një qeveri jolegjitime, për të cilën nuk ka votuar populli”, ka shkruar Bahtiri në llogarinë e vet në “Facebook”.

“Sidoqoftë, nëse kjo Qeveri beson se vendimi për izolim të vendit ka sukses, atëherë pse nuk po e zbaton vendimin edhe në komunat veriore të Kosovës, ku subjektet afariste atje po e vazhdojnë sot veprimtarinë e tyre normalisht dhe mund të jetë burim potencial i potencial i përhapjes së COVID-19”.

Bahtiri ka theksuar se me mos-veprim për shtrirje të autoritetit shtetëror edhe në pjesën veriore të Kosovës, Qeveria faktikisht në mënyrë indirekte po jep sinjale si nuk i intereson sovraniteti i Republikës së Kosovës.

Lajme të sponsorizuara

Të fundit
Kryetarit të Malishevës, Ragip Begaj, i është përkeqësuar shëndeti pas…