Masat e reja kundër Covid-19 në kufi kanë bërë që të ulët dukshëm numri i atyre që duan ta kalojnë kufirin nga Shqipëria në Kosovë.

Qytetarët që kanë kaluar kufirin paraditen e së martës, tregojnë se me cilat dokumente dëshmuan se janë të sigurt nga virusi.  Në mesin e tyre kishte edhe nga ata që ishin kthyer mbrapsht një ditë më parë, raporton “TCh”.

Megjithëkëtë, një pjesë e qytetarëve  janë pajtuar plotësisht me masat e reja, duke thënë se vetëm në këtë mënyrë ruhet shëndeti publik.

Masat e njëjta do të vlejnë edhe për kosovarët që duan të shkojnë në Shqipëri, por nga 6 shtatori.

Pjesa më e madhe e tyre veçse ishin pajisur me dokumentet e nevojshme. Situatë e njëjtë nuk ishte edhe mbrëmjen e së hënës, ku kolona për të hyrë në Kosovë kishte kaluar mbi një kilometër dhe pritjet ishin deri në një orë.