Ministrja e Arsimit, Shkencës, Teknologjisë dhe Inovacionit (MAShTI), Arbërie Nagavci, ka bërë me dije se me qëllim të mbështetjes së nxënësve në profile të rëndësishme për tregun e punës kanë hapur konkursin për ndarjen e 100 bursave për nxënësit e regjistruar në klasën e 10-të në Institucionet e Arsimit dhe Aftësimit Profesional (shkolla profesionale) për vitin shkollor 2024-2025.

“Me këtë rast, do të ndajmë 60 bursa për drejtimet deficitare dhe 40 për drejtimet teknike për vajza. Vlera e bursës është 50 euro në muaj, përkatësisht 500 euro për një vit shkollor. Nxënësit përfitojnë bursë për tri vite të shkollimit nëse vijojnë me sukses mësimet në IAAP”, ka njoftuar Nagavci.

Konkursi do të jetë i hapur prej 02.09.2024 deri 02.10.2024.

Drejtimet deficitare:

-Zhvillues i aplikacioneve softuerike

-Instalues elektrik

-Agrobiznes

-Automekanik

-Asistent i turizmit dhe udhëtimeve

-Përpunim druri/Zdrukthëtar

-Hortikulturë

Drejtimet teknike:

-Metalpunues

-Instalues elektrik

-Instalues i ngrohjes, ujësjellësit dhe klimatizimit

-Automekanik

-Teknologjia e riciklimit

-Teknik i sistemeve të TIK-ut