Qeveria e Republikës së Kosovës dhe Ministria e Arsimit, Shkencës, Teknologjisë dhe Inovacionit (MAShTI) ka njoftuar qytetarët se ditëve të fundit janë shfaqur publikime dhe thirrje të ndryshme të paautorizuara nga faqet e ndryshme në rrjetet sociale duke keqpërdorur emrin e institucionit të MAShTI.

“Rrjedhimisht, përveç raportimeve në rrjetet sociale përkatëse, pas mbledhjes së fakteve rastet do t’i denoncojmë edhe në institucionet që i trajtojnë krimet kibernetike, përfshirë Policinë e Kosovës”, ka njoftuar MAShTI.

Këto thirrje, në lidhje me kurse pa pagesë në fëmijërinë e hershme e gjuhë të huaja nuk janë nga MAShTI.