Ministria e Arsimit, Shkencës dhe Teknologjisë dhe Inovacionit (MAShTI) ka njoftuar se periudha e parë e vitit shkollor përfundon më 30 dhjetor 2021, ndërsa periudha e dytë fillon më 10 janar 2022.

MAShTI ka bërë me dije se do të kompensohen orët e humbura si pasojë e pandemisë.

“Periudha e parë e vitit shkollor përfundon me 30 dhjetor 2021, ndërsa e dyta fillon me 10 janar 2022. Ministria e Arsimit, Shkencës, Teknologjisë dhe Inovacionit (MAShTI) njofton se, periudha e parë e vitit shkollor 2021/2022, përfundon me 30 dhjetor 2021, pra pushimi dimëror fillon me 31 dhjetor në të gjitha nivelet e arsimit parauniversitar. Ndërkaq, periudha e dytë e këtij viti shkollor fillon më 10 janar 2022. Duke qenë se është duke u zbatuar vendimi për kompensimin e 18 ditëve të humbura mësimore si pasojë e gjendjes me pandeminë, edhe datat 28, 29 dhe 30 dhjetor (ditë të pushimit dimëror sipas kalendarit shkollor), do të jenë ditë mësimi”, ka njoftuar MAShTI.