Mbrojtësi i Kombëtares së Shqipërisë, Mërgim Mavraj pas ndarjes me Hamburgun vazhdon të jetë lojtar i lirë.

Pas interesimit nga Turqia dhe Italia, Mavrajn e kërkuan edhe Hannover 96 dhe AEK-u. Kjo e fundit hoqi dorë nga Mavraj, pasi kërkesat e futbollistit janë të larta dhe të papërballueshme për këtë klub.

Tash garës për transferimin e tij i ka hyrë skuadra tjetër greke,  Olympiacos. Brenda pak ditësh sipas medieve në Greqi do të dihet e ardhmja përfundimtare e mbrojtësit nga Istogu.

/Epoka e re/