Komuna e Rahovecit ka njoftuar se sot është mbajtur takimi i parë i Këshillit organizues për nder të 17-Qershorit, ditëlindjes së Ukshin Hotit, “për të filluar me përgatitjet e nevojshme që një ditë si ajo të shënohet denjësisht”, theksohet në njoftimin për medie.

Sipas këtij njoftimi, planifikohet të zhvillohen aktivitete të ndryshme në kujtim të veprimtarisë shkencore të profesor Ukshin Hotit, ku do të bëhet ndarja e dekoratës “Ukshin Hoti” dhe do të promovohet kënga “Tempulli i lirisë” nga këngëtari Ilir Shaqiri.