Ministri i Ministrisë së Punëve të Brendshme, Agim Veliu, ka mbajtur sot takim me Këshillin e Ministrave për Reformën e Administratës Publike.

Fillimisht, temë e diskutimit në këtë takim ishte mbështetja buxhetore për zbatimin e reformës së administratës publike.

Sipas njoftimi për medie të MPB-së, në takim ministri Veliu ka theksuar se përmes Kornizës Strategjike për Reformën e Administratës Publike 2015-2020 është synuar përmirësimi dhe funksionimi i administratës publike dhe ofrimi i shërbimeve më të mira për qytetarët.

“Po ashtu, u bë edhe prezantimi dhe aprovimi i raporteve vjetore janar-dhjetor të vitit 2019 për zbatimin e Kornizës Strategjike për RAP. Gjithashtu u diskutua për Skemën Young Cell, programi i BE-së për bursa post-diplomike për Kosovën, ku në veçanti u cekën temat për zbatimin e programit për bursa post-diplomike si dhe për bazën ligjore mbi punësimin e bursistëve sipas Ligjit për Shërbyes Publik”, është thënë në njoftimin e MPB-së.