Kylian Mbappe  ka nënshkruar të martën kontratën me Real Madridin, e cila do ta mbajë atë të lidhur me “Los Blancos” deri në vitin 2029.

Pesë vjet kontratë dhe me synimet e pritje të mëdha për yllin francez, i cili i ka dhënë fund eksperiencës në Paris Saint-Germain.

Gjiganti francez i ka ofruar shumë më tepër para, por nënkampioni i botës me Francën ishte i vendosur për ta realizuar ëndrrën fëmijërore dhe sapo i ka përfunduar kontrata me parisienët vendosi t’i bashkohej gjigantit spanjoll.

Sipas mediave spanjolle, në start 25-vjeçari do t’i marrë 150 milionë euro si bonus nga klubi i ri.

E më pas do t’i llogariten ekstra rroga dhe të drejtat e imazhit.

Mbappe mund të debutojë me Real Madridin me fanellën e bardhë në Superkupën e Evropës më 14 gusht kundër Atalantës në Varshavë të Polonisë.