Komisioni Ligjor i LFP ka vendosur në favor të Kylian Mbappe dhe ka urdhëruar PSG-në t’i paguajë atij 55 milionë euro bonuse  dhe pagat e muajit prill, maj dhe qershor që lojtari i kishte kërkuar.

Një ditë pas përballjes mes avokatëve të  dyja palëve, organi ligjor i Ligës Franceze ka rënë dakord me sulmuesin e Real Madridit, por vendimi nuk është detyrues, pasi klubi ka refuzuar ta bëjë këtë dhe procesi gjyqësor mund të përfundojë në gjykatë. Këtë të mërkurë, LFP i kishte kërkuar Kylian Mbappe të nënshkruante një marrëveshje pajtimi me Paris Saint-Germain për të shmangur referimin e çështjes në gjykatë. Komisioni Ligjor i LFP, megjithatë, ka vendosur, pasi kapiteni francez refuzoi që PSG-ja duhet t’i paguajë atij 55 milionë eurot që ai kërkon që nga qershori.

PSG-ja, pasi mori vesh vendimin, nuk do të zbatojë urdhëresën e Komisionit Ligjor të LFP-së, duke konsideruar se ka elementë favorizues për të fituar një gjyq të ardhshëm dhe se procedura, sipas burimeve të konsultuara, në Gjykatën e Punës, mund të zgjasë për shumë vite. Meqenëse PSG-ja nuk zbaton vendimin e LFP, Mbappe do të ketë të drejtën të çojë procedurën në Gjykatën e Punës për të kërkuar që ish-skuadra e tij të paguajë 55 milionë euro.