Ka shënuar, dhe kjo nuk është diçka e re, me Francën në ndeshjen që fitoi 2-0 ndaj Austrisë. Por Kylian Mbappe i bën njerëzit të flasin jo vetëm për paraqitjet e tij në fushë, por edhe për disa deklarata që nxjerrin në pah një notë të mundshme të “stonuar”.

Mbappe ka shpjeguar se si me Francën ndihet më i lirshëm për t’i shprehur aftësitë e tij: “Unë luaj ndryshe mes klubit dhe kombëtares. Këtu më kërkojnë gjëra të ndryshme nga ato që më kërkojnë në klubin tim”.

“Sigurisht që kam shumë më tepër liri në kombëtare sesa në Paris Saint-Germaina. Trajneri e di që ai ka një lojtar si Olivier Giroud që luan edhe në mbrojtje dhe kjo bën që unë të shkoj në hapësirat që krijohen. Te PSG-ja është ndryshe”, ka shtuar Mbappe, i cili ka folur edhe për formën e tij dhe gëzimin që ndien kur luan me Francën. “Më pëlqen të jem në skuadër. Gjendja ime fizike? Shumë e mirë. Prioritet është ekipi. Shpresoj të luaj të dielën në ndeshjen kundër Danimarkës”, ka pohuar Mbappe.