“Gjelat” u treguan të fuqishëm përball argjentinasve të udhëhequr nga lojtari më i mirë në botë, Messi, transmeton KP.

Për fitoren 4-3 të francezëve më i merituari është i riu Kylian Mbappe dhe sulmuesi 19-vjeçar i Paris Saint-Germainit, është shpallur nga FIFA lojtari më i mirë i ndeshjes, pasi shënoi dy gola në fitoren 4-3 të francezëve dhe po ashtu nxori penallti, të cilën Griezmann e shndërroi në gol.

Mbappe gjatë tërë kohës u solli probleme mbrojtjes argjentinase, ndaj të cilit pati ndërhyrje të vazhdueshme, si e vetmja mundësi për ta ndalur.

Mbappe u vlerësua me notën 9.07.