Sulmuesi Kylian Mbappe e ka falënderuar tanimë ish-trajnerin e tij, Thomas Tuchel, duke thënë se ka shkruar histori me klubin dhe nuk do t’i harrojë çastet që i kanë kaluar së bashku.

47-vjeçari ka fituar 6 trofe me klubin parisien dhe e ka udhëhequr PSG-në deri në finale të Ligës së Kampionëve sezonin e kaluar, mirëpo kjo nuk mjaftoi që ai të qëndrojë në stolin e Parkut të Princave. Mbappe ka postuar një foto në rrjetin social “Instagram”, me mbishkrimin: “Fatkeqësisht është një rregull i futbollit”.

Gjithashtu, duke i thënë Tuchelit se do ta kujtojnë gjithmonë atë. “Ju keni shkruar një histori të mrekullueshme në këtë klub dhe dua t’ju falënderoj juve”, u shpreh francezi.