Eli Witherby, një 20-vjeçar në Filadelfia, e dha votën e tij për ish-presidentin Donald Trump, ndërsa e dashura e tij votoi për nënpresidenten Kamala Harris.
“Secili ka të drejtën e mendimit të tij,” tha Witherby. “Në fund të ditës, unë do të qëndroj besnik ndaj qëndrimeve të mia.”
Ata u njohën përmes miqve të përbashkët dhe, ndonëse nuk flasin shumë për politikë, Witherby thotë se e respektojnë mendimin e ndryshëm të njëri-tjetrit.
“E dua shumë atë. Jemi një çift i shkëlqyer. Nuk e futemi domosdoshmërisht shumë në politikë. E dimë se ku qëndron secili prej nesh. Por është, është interesante,” tha Witherby.
Witherby tha se Harris “nuk do të nominohej për garën presidenciale nëse do të ishte një idiote.”
“Ajo është një grua e zgjuar. Një grua shumë inteligjente, por unë besoj se na nevojitet dikush tjetër që është më i zgjuar, inteligjent, dikush që e ka bërë këtë më parë,” tha ai për CNN.
Një nga arsyet që e shtyn Witherby të mbështesë Trump është ekonomia. “Gjithçka ishte më e lirë,” tha ai.
Witherby, i cili jeton në Filadelfia, por është me origjinë nga Oklahoma, sheh Demokratët si “shumë polarizues” dhe nuk e pëlqeu gafën e Presidentit Joe Biden, që e cilësoi si “mbeturina.”
