Nëntë persona që ishin të punësuar në sallën e dasmave në Irak, ku mbi 100 njerëz persona humbën jetën pas shpërthimit të një zjarri janë arrestuar. Sipas informacioneve janë lëshuar dhe urdhër-arreste edhe kundër katër punonjësve të tjerë.

Autoritetet kanë thënë se arsyet e tragjedisë ishin “mungesa e masave dhe të sigurisë, materialet e ndezshme të përdorura dhe me sa duket një fishekzjarre”. Kryeministri i Irakut ka shpallur tre ditë zie kombëtare. Numri i viktimave mund të rritet, ndërsa deri më tani janë konfirmuar mbi 100 të vdekur dhe 150 të plagosur.