Ministria e Shëndetësisë (MSh) ka njoftuar se në Kosovë janë vaksinuar 160 mijë e 410 qytetarë me vaksinën kundër Covidit.

Sipas kësaj ministrie, vetëm gjatë 24 orëve të fundit janë vaksinuar mbi 1 300 qytetarë.

“Në 24 orët e fundit janë dhënë 1 365 doza të vaksinës kundër Covid-19. Prej fillimit të vaksinimit në të gjitha qytetet e Kosovës janë dhënë 160 410 doza të vaksinës. Deri më sot 32 975 qytetarë janë vaksinuar me dozën e dytë”, ka njoftuar MSh-ja.