Kryetari i Komunës së Malishevës, Ekrem Kastrati, ka bërë me dije se pas një pune të shkëlqyeshme të Komisionit për ndarjen e bursave për vitin 2022, tashme është bërë publike lista e mbi 300 studentëve përfitues.

“Me kënaqësinë më të madhe ju informoj se ky është numri më i madh i përfitues të kësaj burse që i kemi përkrahur si Komunë, ku përfitues janë të gjithë studentët e komunës së Malishevës të cilët i kanë plotësuar kriteret ligjore. Si kryetar i Komunës së Malishevës ju siguroj se, ashtu siç jemi zotuar, edhe po vazhdojmë të jetësojmë politikat e qeverisjes sonë komunale për të përkrahur studentët tanë që vijojnë studimet nëpër universitetet publike të vendit tonë”, ka thënë Kastrati.