Zyrtarisht, mbi 4.62 milionë njerëz janë infektuar me virusin Korona në të gjithë botën. Sipas World Meters, deri tash 4 628 879 njerëz janë të infektuar, 308 655 kanë vdekur si dhe janë shëruar 1 760 629 persona, njofton Klan Kosova

Shtetet e Bashkuara të Amerikës prijnë me numrin e të infektuarve, kur numri i përgjithshëm i të infektuarve është 1 484 285 e i të vdekurve 88 507 persona si dhe janë shëruar 327 751 pacientë.

Spanja radhitet në vendin e dytë me 274 367 të prekur, 27 459 të vdekur si dhe 188 967 të shëruar.

Vendin e tretë e zë Rusia me 262 843 të prekur, 2 418 të vdekur si dhe 58 226 të shëruar.

Kujtojmë se virusi Korona për herë të parë u përhap në Wuhan të Kinës dhjetorin e vitit të kaluar. Deri tash është përhapur në 187 vende të botës. Rajonet më të goditura janë Amerika dhe Evropa.