Ministrja e Shëndetësisë së Shqipërisë, Orgeta Manastirliu, ka bërë me dije se deri më tani janë vaksinuar 664 mijë e 452 qytetarë, ku prej tyre 212 mijë e 418 janë vaksinuar me dozën e dytë të vaksinës kundër Covidit.

Me këtë rast, ajo ka falënderuar punëtorët shëndetësorë të cilët janë duke u marrë me procesin e vaksinimit, shkruan “Epoka e re”.

“Mirënjohje për punën e palodhur çdo ditë, vaksinatoreve tona në çdo cep të vendit, që po çojnë përpara një proces vaksinimi shembullor, për mbrojtjen e jetës e shëndetit të qytetarëve”, ka shkruar Manastirliu në llogarinë e vet në “Facebook”.