Sot do të mbajnë mbledhje tri komisione parlamentare.

Komisioni për Legjislacion, Mandate, Imunitete, Rregulloren e Kuvendit dhe mbikëqyrjen e Agjencisë kundër Korrupsionit do të bëjë  shqyrtimin e raportit të mbikëqyrjes së Ligjit për Noterinë,  shqyrtimi i Raportit të mbikëqyrjes së Ligjit për mbikëqyrjen elektronike të personave, të cilëve u kufizohet lëvizja me vendim të gjykatës, shqyrtimi i raportit me amendamente për Projektligjin për Kompensimin e Viktimave të Krimit, formimi i grupit të punës për projektligjin për Byronë Shtetërore për Verifikimin dhe Konfiskimin e Pasurisë së Pajustifikueshme, caktimi i datës për intervistimin e kandidatëve për anëtar të Këshillit Gjyqësor të Kosovës.

Kurse Komisioni për Mbikëqyrjen e Agjencisë së Kosovës për Inteligjencë, diskuton lidhur me realizimin e Planit të Punës së Komisionit për sesionin pranveror.

Ndërkaq në mbledhjen e Komisionit për Buxhet, Punë dhe Transfere, bëhet shqyrtimi i raportit vjetor Financiar i Komisionit të Pavarur për Miniera dhe Minerale për vitin 2021; shqyrtimi i Raportit Vjetor Financiar i Autoritetit Kosovar të Konkurrencës për vitin 2021.