![](https://www.epokaere.com/wp-content/uploads/2024/01/polic.png)
Mbyllen me polici katër objekte paralele komunale serbe
26 janar 2024
| 14:51
Ministria e Administrimit të Pushtetit Lokal dhe Policia e Kosovës të premten kanë zhvilluar një aksion në fshatin Vranisht të Dragashit.
Në këtë fshatë janë mbyllur 4 objekte paralele komunale serbe. Lajmin e ka bërë me dije ministri Elbert Krasniqi.
“Sot në fshatin Vranisht të Dragashit mbyllëm 4 komuna paralele që kanë operuar ilegalisht për gjithë këto vite. Në këtë fshat kundërligjshëm kanë vepruar dhe lëshuar dokumente për komunën e Prizrenit, Suharekës, Rahovecit dhe Dragashit. Nga sot ajo më nuk operon”, ka shkruar Krasniqi në “Facebook”.
Ai ka thënë se Republika e Kosovës është shtet unitar dhe si i tillë nuk do të lejojë asnjë paralelizëm kundërkushtetues.