Policia e Kosovës ka konfirmuar se është mbyllur pika kufitare në Jarinje.

Pas mbylljes së pikës kufitare në Bërnjak, për shkaqe sigurie Policia e Kosovës ka mbyllur edhe pikën kufitare në Jarinje.

“Referuar situatës dhe rrethanave të krijuara, Policia e Kosovës për shkaqe sigurie ka mbyllur për qarkullim kufitar dy vendkalimet kufitare në veri (Jarinje dhe Bërnjak), andaj fton të gjithë qytetarët që të shfrytëzojnë pikat tjera kufitare për qarkullim si dhe të shmangun daljet dhe lëvizjet e tyre në atë rajon/zonë”, ka njoftuar policia.

Mbyllja e këtyre pikave kufitare vjen pas vrasjes së një polici dhe plagosjen e dy të tjerëve nga një grup kriminali i armatosur rënë në fshatin Banjskë të Zveçanit.