Ka përfunduar sezoni i rregullt i NBA-s, duke përcaktuar edhe renditjen përfundimtare të ekipeve pas 82 ndeshjeve. Vëmendja më e madhe ishte në Konferencën e Perëndimit, ku në vendin e parë e mbylli Oklahoma.

Skuadra e Thunder fitoi thellë 135-86 ndaj Dallasit, ndeshje ku për vendasit shënuan të 15 lojtarët e aktivizuar. Në vendin e dytë qëndron Denveri. Kampionët në fuqi fituan me rezultat 126-111 ndaj Memphisit, sfidë ku tetë lojtarë të Nuggets realizuan mbi 10 pikë. Rekordin më të mirë në NBA përgjatë sezonit të rregullt e ka Bostoni (64 fitore, 18 humbje), që fitoi me rezultat 132-122 ndaj Washingtonit (Pritchard 38 pikë e 12 asistime).

Fiton edhe Miami, 118-103 ndaj Torontos, sfidë ku vendosi kolektiviteti i ekipit nga Florida. Fitojnë edhe Lakersat, 124-108 ndaj New Orleans, sfidë ku LeBron James realizoi një “triple double” (28 pikë 11 rebound, 17 asistime). Interesant fakti se këto dy skuadra do të përballen në “play-in” pas 48 orësh për të siguruar një vend në “play-off”.

Rezultatet

Boston – Washington       132-122
Cleveland – Charlotte      110-120
Indiana – Atlanta             157-115
Miami – Toronto              118-103
New York – Chicago        120-119
Orlando – Milwaukee      113-88
Philadelphia – Brooklyn 107-86

Golden State – Utah Jazz 123-116
Clippers – Houston          105-116
Memphis – Denver          111-126
Minnesota – Phoenix       106-125
New Orleans – Lakers      108-124

Oklahoma – Dallas          135-86
Sacramento – Portland     121-82
San Antonio – Detroit      123-95