Të enjten, më 20 mars 2025, bëhen tri vjet nga ndarja fizike e komandantit të UÇK-së, Haqif Kadriaj, i cili dha një kontribut të jashtëzakonshëm për çështjen kombëtare, lirinë dhe shtetin. Në këtë përvjetor të rëndësishëm, familja Kadriaj do të organizojë homazhe në kujtim të tij.

Homazhet do të zhvillohen te varri i komandant Haqif Kadriaj në Krushicë të Epërme, duke filluar nga ora 10:00. Pas homazheve, dyert e Kullës së Lirisë në Krushicë të Epërme do të jenë të hapura për miqtë, shokët dhe qytetarët që dëshirojnë të nderojnë kujtimin e komandantit të lavdishëm.

Familja Kadriaj fton të gjithë ata që kanë pasur nderin të njohin Haqif Kadrin për të bashkëndjerë këtë ditë të shënjtë dhe për të ruajtur kujtimin e veprës së tij të paharruar.