Raundi i ardhshëm i dialogut Kosovë – Serbi do të mbahet më 7 dhe 8 shtator në Bruksel.

Lajmin e ka konfirmuar zëdhënësi i BE-së, Peter Stano.

Ai ka thënë se në bisedimet teknike do të diskutohet për çështjet e hapura aktualisht dhe hapat e ardhshëm në dialog.

Takimi do të jetë në nivel të ekspertëve, ku do të jenë zëvendëskryeministri i Kosovës, Besnik Bislimi dhe drejtori i të ashtuquajturës zyre për Kosovë në kuadër të Qeverisë së Serbisë, Petar Petkoviq.