Kryetari i LPD-së dhe zv/kryetari i komunës së Bujanocit, Shqiprim Musliu përmes llogarisë së vet në “Facebook”, ka bërë të ditur se është vendosur një pankartë në Shtëpinë e Shëndetit në Bujanoc në shenjë pakënaqësie rreth konkursit të fundit për mjekë dhe infermier.

Njoftimi i plotë i Musliut:

Me moton ‘SHTËPIA E DISKRIMINIMIT’ u zgjua sot SHTËPIA E SHËNDETIT në Bujanoc

Ky aksion është një reaksion ndaj punësimeve diskriminuese ndaj mjekëve dhe infermierëve që po i bën drejtoresha e Shtëpisë së Shëndetit në Bujanoc.

Në konkursin e fundit për punësimin e mjekëve dhe infermierëve, edhe pse të dy grupet i plotësonin kriteret për punësim sipas komisionit vlerësues, vendimin për punësim si mjek apo infermier sipas deklaratës së drejtoreshës po e bën se po i përzgjedh më të mirët.

Edhe ata jo nga Bujanoci, por nga komunat tjera brenda rrethit të Pçinjës dhe jo vetëm.

Ndërsa mjekët tanë po tregohen shumë të mirë e të shkëlqyeshëm në Evropë, në vendlindjen e tyre nuk po janë të tillë, sepse drejtoresha po përzgjedh kinse më të mirët.

Dhe nga kjo nuk po diskriminohen vetëm shqiptarët, por edhe bashkëqyetarët tanë serb e rom. Ky është një diskriminim jo vetëm etnik, por edhe human.