I ftuar në emision “NIN”, këngëtari shqiptar, Mehdin Përgjegjaj ‘Meda’, ka rrëfyer shumë të pathëna.

Nuk kishte si t’i ikte pyetjes për pandeminë e cila ka bërë që çdo aktivitet të anulohet.

Ai tregoi se kjo periudhë ka ndikuar shumë tek ai, pasi nuk ka marrë asnjë para për shkak të anulimit të ahengjeve e mbrëmjeve muzikore.

“Periudha e pandemisë ka ndikuar shumë tek unë për shkak se nuk kam marrë asnjë lekë”, tha këngëtari.

Edhe pse ka një lokal në Kosovë dhe biznese në Gjermani, as nga këto nuk ka pasur përfitime të mëdha, pasi pandemia ka vërë që të gjithë të distancohen nga tubimet.

“Po, kam një lokal në Kosovë, dhe disa biznese të tjera në Gjermani, të cilat kanë ecë deri dikun, jo në atë mënyrë qysh duhet” u shpreh këngëtari.