Sipas The Guardian, përcjell Telegrafi, ka qenë transmetuesi finlandez YLE që thuhet se ka siguruar pamjet amatore të papara më parë nga një burim anonim.

Dhe ato thuhet se u xhiruan në një festë të 1 Majit menjëherë pasi Putin – atëherë rreth 40 vjeç dhe një oficer i KGB-së – ishte bërë këshilltar i Anatoli Sobchak, kryebashkiaku i Shën Petersburgut në atë kohë.

Në video, Putini dhe Sobchak luajnë pingpong kundër truprojave të kryebashkiakut – dhe më vonë shkojnë për peshkim.

Aty mund të shihen edhe ish-gruaja e tij, Lyudmila si dhe dy vajzat, Maria dhe Katerina.

Filmi theksohet se u xhirua në një vilë mikpritjeje të korporatës në pronësi të një kompanie finlandeze, Thomesto, e cila importonte lëndë druri nga Rusia.

Vila ndodhej në ishullin Torsö, në Raseborg, rreth 60 milje në perëndim të Helsinkit, në bregun jugor të Finlandës.

Në vitet 1990 Putini ishte vizitor i shpeshtë i Finlandës.