Presidenti slloven, Borut Pahor, të cilit i skadon mandati i dytë sivjet në krye të këtij shteti, raportohet se është i interesuar për pozitën e emisarit të BE-së për dialogun Kosovë-Serbi, Miroslav Lajçak, në të ardhmen.

Kështu ka shkruar gazeta “Delo” e Lubjanës.

I pyetur nga një gazetë kryesore sllovene nëse spekulimet ishin të vërteta se Pahori ishte i interesuar për pozicionin aktual të politikanit sllovak, Miroslav Lajçak, zyra e tij ka thënë në një deklaratë se Pahori “nuk po mendonte” për këtë çështje për momentin.

Më tutje, se pas skadimit të mandatit aktual në fund të këtij viti, Pahori synon të shfrytëzojë privilegjet nga ligji për ish-presidentët, të cilat i lejojnë të shfrytëzojë përfitimet për një vit.

Në fund të vitit, mandati i dytë presidencial i Pahorit përfundon, pas së cilës ai nuk mund të kandidojë më për këtë pozitë.

“Çështja se çfarë do të bëjë presidenti Pahor më vonë nuk po trajtohet tani, sepse do të ketë kohë të mjaftueshme për të më vonë, dhe ai tani është plotësisht i përkushtuar në detyrat e tij, të cilat do t’i kryejë deri më 22 dhjetor të këtij viti”, kanë thënë bashkëpunëtorët e Pahorit.