Me ardhjen e vitit të ri shkollor, Meek Mill pati një befasi. Sipas një njoftimi të fundit, reperi ka dhuruar mbi 6 000 çanta për studentët në qytetin e vet të lindjes, Filadelfia.

“Duke u rritur në Filadelfia, unë kam parë familje që luftojnë për të mbijetuar dhe për të blerë gjëra për shkollë për fëmijët e tyre. Këto kujtime mbeten me mua, prandaj doja ta bëja këtë gjë në qytetin tim, për t’u dhënë buzëqeshje fytyrës së fëmijëve dhe për t’i ndihmuar ata ta fillojnë vitin e ri shkollor me të gjitha pajisjet”, ka thënë Meek.