Mehaj në Itali, vizita fokusohet në fushën e mbrojtjes, edukimit dhe trajnimit të ushtarakëve të FSK-së

05 maj 2023 | 15:14

Ministri i Mbrojtjes, Armend Mehaj, ka qëndruar për vizitë zyrtare në Itali, ku u prit me nderime ushtarake nga ministri i Mbrojtjes së Italisë, Guido Crosetto.

Ministrin Mehaj e shoqëronin edhe zëvendëskomandanti i FSK-së, gjeneralmajor Enver Cikaqi, ambasadorja e Kosovës në Itali, Lendita Haxhitasimi dhe zyrtarë të lartë të Ministrisë së Mbrojtjes.

Në këtë takim ministri Mehaj dhe homologu i tij italian diskutuan rreth bashkëpunimit në fushën e mbrojtjes, edukimit dhe trajnimit të ushtarakëve të FSK-së në fusha specialistike, forca speciale, aviacion e mjekësi.

Gjithashtu ministri Mehaj shprehu edhe njëherë gatishmërinë në ofrimin e trajnimeve në fushën e kërkim-shpëtimit urban, deminimit dhe eliminimit të materieve të rrezikshme.

Përveç të tjerash, në këtë takim u bisedua dhe për situatën aktuale gjeopolitike, luftën në Ukrainë dhe rëndësinë e unitetit për mbështetjen e ukrainasve në luftën kundër agresorit rus.

Në këtë aspekt, ministri Mehaj bëri me dije se Kosova mbanë qëndrim të qartë kundër politikave ruse dhe në vazhdimësi, si pjesë e Grupit të Kontaktit për Mbrojtjen e Ukrainës, ai theksoi se vendi ynë është duke ofruar gjithçka që është e mundshme brenda kapaciteteve, duke përfshirë pranimin e refugjatëve si dhe integrimin e gazetarëve ukrainas në Kosovë dhe po ashtu ofrimin e trajnimeve me instruktorë specialistë të Qendrës Ndërkombëtare të Kërkim-Shpëtimit.

Në fund të këtij takimi, Mehaj falënderoi ministrin Crosetto për mbështetjen e deritanishme ofruar nga shtetit italian, duke u zotuar për vazhdim të thellimit të këtij bashkëpunimi, që është në funksion të ruajtjes së paqes dhe stabilitetit të gjithëmbarshëm.

 

Lajme të sponsorizuara

Të fundit
Agjencia për ushqim e Kombeve të Bashkuara tha se sipas…